Hemed PHD: Kuoa sio kipaumbele changu kwa sasa

DAR ES SALAAM: MSANII wa filamu na muziki nchini, Hemed Suleman ‘PHD’, amesema kuoa si kipaumbele katika maisha yake kwa sasa, akieleza kuwa ameelekeza nguvu zake zaidi katika kazi za sanaa na majukumu ya kifamilia.

Hemed PHD, ambaye amefikisha umri wa miaka 44, amesema anachukulia kwa umuhimu safari yake ya maisha pamoja na kazi yake ya sanaa, ambayo imekuwa sehemu muhimu ya maisha yake kwa kipindi kirefu.

Msanii huyo amekuwa katika sekta ya burudani kwa miaka kadhaa akifanya kazi kama mwigizaji na mwanamuziki, huku akiendelea kupata sapoti kutoka kwa mashabiki wake ndani na nje ya Tanzania.

Akizungumzia maisha yake binafsi katika mahojiano, Hemed amesema ana watoto na kwamba anawapenda watoto, lakini hilo halimaanishi kuwa ana mpango wa kuingia katika maisha ya ndoa kwa sasa.

Amesema kwa kipindi hiki, nguvu na muda wake mwingi ameuelekeza katika shughuli zake za sanaa, ambazo zimekuwa sehemu ya msingi katika kuendesha maisha yake.

Hemed pia ameeleza kuwa kazi zake zimemuwezesha kutimiza majukumu yake ya kifamilia, ikiwemo kumsaidia mama yake pamoja na ndugu zake.

Kauli hiyo imekuja wakati ambapo msanii huyo akiendelea na safari yake ya sanaa, akisisitiza umuhimu wa kuendelea kujenga maisha yake na kuzingatia mambo anayoyaona kuwa ya msingi kwake.

Kwa Hemed, ndoa si jambo analolipa kipaumbele kwa sasa, bali anaonekana kutanguliza kazi, familia na maendeleo yake binafsi.

The post Hemed PHD: Kuoa sio kipaumbele changu kwa sasa first appeared on SpotiLEO.