Maua Sama ajifungua salama

DAR ES SALAAM: Msanii wa muziki wa Bongo Fleva, Maua Sama, amejifungua salama, ameandika ujumbe wa kumshukuru Mungu.

Maua Sama amethibitisha ujio huo kupitia ujumbe wake mfupi aliouandika, “Alhamdulillah,” akieleza shukrani zake kwa Mungu katika hatua hiyo muhimu ya maisha yake.

Kipindi cha hivi karibuni, msanii huyo alikuwa kimya kuhusu  mambo yake binafsi, hali iliyozua maswali na hisia mbalimbali miongoni mwa mashabiki wake.

Hata hivyo, ukimya huo umeonekana kuwa sehemu ya uamuzi wake wa kulinda maisha yake binafsi na kumpa nafasi ya kupitia kipindi cha ujauzito kwa utulivu, mbali na macho ya umma.

Taarifa za kujifungua kwake zimepokelewa kwa furaha na watu mbalimbali, wakiwamo mashabiki na wadau wa muziki, ambao wameendelea kumpongeza.

Ujio wa mtoto umeongeza ukurasa mpya katika maisha ya Maua Sama, ambaye amekuwa akifanya vizuri katika muziki wa Bongo Fleva na kujijengea jina kupitia kazi zake.

Pongezi zimeendelea kutolewa kwake huku mashabiki wakimtakia afya njema yeye pamoja na mtoto wake na kumtakia safari njema katika jukumu jipya la kuwa mama.

Hongera sana Maua Sama kwa hatua hii muhimu ya maisha.

The post Maua Sama ajifungua salama first appeared on SpotiLEO.